"Samsung Electronics" компанияси ходимларига ички манба коди сизиб чиққанидан кейин ЧатГПТ каби генератив сунъий интеллект тизимларидан иш қурилмаларида фойдаланишни тақиқлади.
Апрель ойида компания муҳандислари тасодифан ички манба кодини ChatGPT'га юклаши орқали маълумот "сизиб кетиши" юз берган эди. «Samsung» ушбу платформаларга узатилган маълумотлар ташқи серверларда сақланишидан хавотирда, бу эса уларни топишни осонлаштиради ва ўчиришни қийинлаштиради.
Янги қоидалар генератив АИ тизимларидан компанияга тегишли компьютерлар, планшетлар ва телефонларда, шунингдек, ички тармоқларда фойдаланишни тақиқлайди.