Санкциялар Россиянинг юқори аниқликдаги қурол учун ускуналар сотиб олиш имкониятини чеклайди. Бу ҳақда Пентагон матбуот котиби Жон Кирби маълум қилди.
"Фикримизча, Россияга қарши қўлланилган санкциялар келажакда унга қуроллар захираси учун айрим товар ва ускуналар сотиб олишига таъсир қилади. Юқори аниқликдаги қуроллар бунга мисол бўла олади", — деган у.
Шу билан бирга Кирби унинг таъсири қандай бўлишини билмаслигини айтган. Пентагон расмий вакили Москвада катта миқдорда жанговар имкониятлар ва йирик арсенал борлигини тан олган.
Аввалроқ Пентагон қатор генералларни лавозимидан бўшатгани тўғрисида хабар берилганди.