Санкт-Петербург ва Тошкент расмийлари ўзбек тўқимачилик маҳсулотларини Россияга етказиб бериш имкониятларини кўриб чиқмоқда. Бу ҳақда Санкт-Петербург губернатори Александр Беглов Тошкентга ташрифи чоғида айтиб ўтди.
"Тўқимачилик маҳсулотларини етказиб беришни ўйлаб кўриш керак, деган фикрга келдик. Маҳсулотлар сифати яхши. Бир марта синов савдосини ташкил қилиш керак ва келажакда яхши савдо уйи очиш керак. Соф пахтадан тайёрланган маҳсулотлар, умуман олганда арзон нархларда. Тошкентга ташриф буюрган кўплаб Петербургликлар бундай маҳсулотларни сотиб олиб кетишмоқда. Маҳсулот сифати юқори”, — деди губернатор. "Келажакда томонлар қўшма корхоналар тузишлари мумкин. Умуман олганда, саноат соҳасидаги муносабатларни янги босқичга кўтариш зарур", — деди Александр Беглов.
Умуман олганда, Санкт-Петербург ва Ўзбекистон ўртасидаги ҳамкорлик фаол ривожланмоқда. Александр Бегловнинг сўзларига кўра, 2022 йилнинг биринчи ярмида Ўзбекистон билан товар айирбошлаш ҳажми 2021 йилнинг шу даврига нисбатан 9,5 фоизга ошган ва 185,8 миллион долларни ташкил қилган.
"Ўзбекистондан Санкт-Петербургга импорт кўпайди. Бу яхши тенденция, биз бундан хурсандмиз. Олти ойда ўтган йилга нисбатан 75 фоизга кўп мева-сабзавот ва бошқа маҳсулотлар харид қилдик", - дейди у.