Ҳиндистон бир неча ойдан бери Россиянинг Уралс нефтининг етакчи харидори ҳисобланади.
Қайд этилишича, Деҳли Россияга қарши санкциялар жорий этилганидан кейин европалик харидорлардан бўшаган жойни тўлдирган. Январь ойида экспорт қилинган нефтнинг тахминан 70 фоизи Ҳиндистонга жўнатилди.
Шу билан бирга, Москва Ироқ ўрнини эгаллаб, Ню-Деҳлининг энг йирик нефть етказиб берувчисига айланди.
«Роснефт» бош директори Игор Сечин Ҳиндистондаги энергетика анжуманида айтганидек, энди рус нефтининг нархи Европадан ташқарида белгиланади.
"Агар Россия нефти Европа бозорига чиқмаса, демак, «Референт» нефть ҳажми қаерда бўлса, ўша ерда нарх шаклланади", - дея таъкидлади у.
Аввалроқ Россия нефть маҳсулотларини Европа Иттифоқига олиб киришни тақиқлаш кучга кирган эди. Бунга дизель, мой ва реактив керосин киради.
5 февралгача Иттифоқ Россиядан кунига тахминан 70 миллион евро миқдорида нефть маҳсулотларини импорт қилиб, заҳираларни тўлдириб олган. Шунингдек, якшанба кунидан бошлаб Европа Иттифоқи ва G7 Россиядан келадиган хом нефть маҳсулотлари учун мавжуд нарх чегараларини кенгайтирди.
