Тиббиёт фанлари доктори, россиялик амалиётчи шифокор Антор Ершов коронавирус эвалюциясининг финал босқичи қандай бўлишини башорат қилди. Экспертнинг фикрича, ҳозир инсоният учинчи босқичда турибди, кейинги босқич яқинлашмоқда.
Дастлаб коронавирус оғир пенвмония кўринишида тарқалди. Кейинчалик ичак инфекцияси вужудга келди. Учинчи тўлқин ГРИППга айланди. Шифокорнинг фикрича, тўртинчи тўлқин сурункали чарчоқ синдроми бўлади.
"Ҳозирданоқ "Omicron"дан тузалганлар иккинчи марта касалликни унча сезмайди. Улар ўзларини фақатгина ҳолсиз сезади. Кўпчилик буни коронавируснинг кейинги синдром деб баҳолайди, аммо бу "Оmicron" билан такрорий зарарланишдир", - деган у.
Доктор ҳозир кўпчилик вирусдан кейинги синдромга қарши курашаётганини таъкидлаб ўтди.
"Биз қийналиб уйғонамиз, тез чарчаб қоламиз. Айримлар белдаги оғриқдан шикоят қилади. Бу интоксикация синдроми натижасида бўғимларнинг оғришидан. Қўрқув фонида қалқонсимон без ҳам ишдан чиқади", - деб хулоса қилган шифокор.
Вирусологлар коронавируснинг кейинги кўриниши юқумлилиги бўйича "Omicron"ни ортда қолиши, аммо енгил ўтишини айтмоқда.
Эслатиб ўтамиз, аввалроқ хабар қилганимиздек, “оmicron” штамми болаларга кўпроқ хавф туғдириши мумкин. Мутахассислар бу штаммни коронавируснинг бошқа вариантларидан қандай фарқлаш мумкинлигини айтди.
Шарофат Маҳмудова