Google дастурчилари Google Lens хизматини шифокорлар ҳуснихатини тушунишга ўргатди.
Компания бу лойиҳани амалга ошириш учун бутун дунё фармацевтлари билан ҳамкорлик қилган. Янгилик Ҳиндистондаги дастурчилар конференциясида намойиш қилинди.
Компания вакиллари шифокорларнинг тушунарсиз ёзуви бир неча ўн йилликлардан бери одамларни ўйлантириб келишини таъкидлаган.
“Шифокорлар тили”дан таржима қилиш учун телефон камерасини ишга солиш ёки дастурга рецепт суратини юклаш керак бўлади. Айни пайтда бу функция фақат ҳинд тили учун мавжуд. Тез орада бошқа тиллар ҳам фаоллаштирилади.