Шимолий Македония беш нафар россиялик дипломатни мамлакатдан чиқариб юборишни талаб қилмоқда. Бу ҳақда маҳаллий MIA ахборот агентлиги хабар берди.
Россиянинг Скопедаги элчиси Сергей Баздникин Ташқи ишлар вазирлигига чақирилди. У ерда унга Россия элчихонасининг беш нафар ходими мамлакатда бўлмаслиги кераклиги ҳақида айтилган.
Болқон яриморолидаги давлат органларининг бундай қарорга келиш сабаблари ҳозирча маълум қилинмаган.
Аввалроқ Болгария Россиянинг Софиядаги элчиси Элеонора Митрофанованинг баёнотларидан сўнг Россиядан элчисини маслаҳатлашувлар учун чақириб олишга қарор қилгани хабар қилинганди.
