Суд қарорига асосан қарздор С.Мадумаровдан вояга етмаган фарзандининг моддий таъминоти учун алимент пули ундириш тўғрисидаги ижро ҳужжати бўйича Мажбурий ижро бюросининг Оқолтин туман бўлими томонидан ижро ҳаракатлари олиб борилган.
Қарздор суд қарори билан танишган бўлсада, алимент пулини тўламасдан, давлат ижрочисидан яшириниб юрганлиги сабабли, унга нисбатан қидирув эълон қилинган.
Қидирув ҳаракатлари натижасида қарздор Тошкент вилояти, Зангиота туманидан топилиб, давлат ижрочисига топширилган.
Жавобгарнинг алимент қарзи ҳисоблаб чиқилганда, 29 млн 040 минг сўмни ташкил этган. Мазкур қарздорликни бартараф этмаган қарздорга нисбатан маъмурий баённома тузилиб, суд қарори билан 15 сутка маъмурий қамоқ жазосини тайинланди.