Сардоба туманида ғалла ўғрилари қўлга олинди. Бу ҳақда ИИВ ахборот хизмати хабар берди.
Маълум қилинишича, «Ғалла-2023» йиғим-теримига жалб қилинган, МЖЧга қарашли «ҲОВО» русумли юк автомашинаси ҳайдовчиси МЧЖнинг қўриқлаш хизмати ишчиси билан олдиндан тил бириктириб, бир гуруҳ бўлиб корхонага тегишли бўлган жами қиймати 17,3 млн сўмлик 5 260 кг ғалла маҳсулотини яширин тарзда ўғирлаётган вақтида МЧЖнинг масъул ишчилари томонидан ушланган.
Ҳозирда мазкур ҳолат юзасидан Сардоба тумани ИИБ ҳузуридаги Тергов гуруҳи томонидан гумонланувчиларга нисбатан Жиноят кодексининг 169-моддаси билан жиноят иши қўзғатилиб, тергов ҳаракатлари олиб борилмоқда.