Швейцариянинг федерал жиноят суди Гулнора Каримова бенефициари бўлган "Takilant" компаниясининг музлатилган 350 миллион доллар кўпроқ маблағнинг 293 миллион долларини мусодара қилди. Бу ҳақда "Swissinfo" ахборот агентлиги адвокат Грегори Манжага таяниб хабар берди.
Таъкидланишича, суд ишда қатнашган бир неча киши, шу жумладан Гулнора Каримова ва унинг ёрдамчиси пул "ювишда" айбдор топилгани учун ушбу маблағларнинг катта қисмини мусодара қилган.
Бироқ тахминан 70 миллион доллар эса жиноят натижасига қўлга киритилгани аниқланмагани учун компанияга қайтарилади. Бу ҳақда 2021 йилнинг 22 декабрь куни Федерал жиноят суди эълон қилган баёнотда қайд этилган.
Эслатиб ўтамиз, аввалроқ “The Guardian” нашри Гулнора Каримовага берилган 220 миллион доллар ҳақида мақола чоп этгани ҳаққида хабар берилганди.