Судандаги нотинч сиёсий вазият фонида мамлакат Бош вазири Абдулла Ҳамдук истеъфога чиқишини маълум қилди. Бу ҳақда Euronews.com хабар қилмоқда.
Сиёсатчига кўра, сўнгги бир ой давомида ўтиш даври раҳбариятида жиддий қарама-қаршиликлар юзага келган.
Ҳамдук 2019 йил августдан бери Судан ҳукуматини бошқариб келган. Ўтган йилнинг октябрь ойида ҳарбийлар вазирлар маҳкамаси раҳбарини ҳибсга олиб, ҳукуматни истеъфога чиқариб, буни фуқаролар урушининг олдини олиш зарурати билан изоҳлаган эди. Аммо бу қарор аҳолининг оммавий норозилигига сабаб бўлди ва ноябрь ойининг охирида Ҳамдук яна вазирлар маҳкамасига бошчилик қилди.
Бироқ мухолиф кучлар бу муросани ҳарбий тўнтаришни қонунийлаштириш йўли деб ҳисоблади ва норозиликлар тўхтамади.
Аввалроқ Грузиянинг собиқ президенти Михаил Саакашвили касалхонадан қомоқхонага қайтарилгани хабар қилинганди.
Насиба Тўхтаева