“Антропис” бош директори Дарио Амодеининг фикрича, сунъий интеллект туфайли инсон умри 5-10 йил ичида икки баравар узаяди. У АИнинг жадал ривожланишида катта ижобий потенциални тахмин қилмоқда.
“Инсон умрини икки баравар ошириш ақлдан озиш эмас. Агар АИ бу жараённи тезлаштира олса, биз 5-10 йил ичида бунга эришамиз. Агар биз ушбу сунъий интеллектни ҳақиқатан ҳам чуқур ва тўғри тушунсак, бунга эриша оламиз”, деди у.
Агар прогноз амалга ошса, ўн йил ичида одамларнинг ўртача умр кўриш давомийлиги 140-160 йилни ташкил этади, бу одам эришган максимал ёшдан бир неча ўн йиллар ошиб кетади. Ҳозирда расмий рекорд 122 йил 164 кунни ташкил этади.
Комила Одилова тайёрлади