Геология фанлари университети «Минерал ресурслар институти» ДМ ходимлари Сурхондарё вилоятида «Жанубий Ўзбекистон ҳудудида 1:100 000 миқёсли космогеологик тадқиқотлар» номли давлат лойиҳаси бўйича дала текширув ишларини амалга оширди.
Тоғ-кон саноати ва геология вазирлиги хабар беришича, тадқиқот давомида Сурхонтов тоғининг Вахшивор майдонида дала дешифровкалаш ишлари олиб борилиши натижасида у ерда малахитлашувга бой янги маъданли тузилма борлиги аниқланган.
Ушбу аниқланган тузилма олтин ва полиметаллга истиқболли эканлиги прогноз қилинмоқда. Ҳозирда мазкур тузилма давомийлиги яна қўшимча равишда ўрганилмоқда.