Сингапурнинг Affinity V танкери Сувайш каналидаги саёзликдан чиқариб олингандан сўнг каналда ҳаракатланиш тикланди. Бу ҳақда Сувайш маъмурияти хабар берди.
“Сувайш канали маъмурияти раҳбари Усома Робиа сув ҳажми 64 минг тонна бўлган Affinity V танкерини саёзликдан чиқариш бўйича амалиёт муваффақиятли якунланганини эълон қилди”, – дейилади хабарда.
Робианинг сўзларига кўра, кема каналнинг 143 километрида саёзликка ўтириб қолган. Бунга унинг руль бошқарувидаги носозликлари сабаб бўлгани айтилмоқда.
Ўтган йилнинг 23 мартида Панама байроғи остидаги Ever Given кемаси ҳам Сувайшда саёзликка тушиб қолган, оқибатда олти кун каналда ҳаракатланиш тўхтаб қолганди.