"Манчестер Юнайтед" ва "Арсенал" ўйинини томоша қилиш кўпчилик мухлислар учун қизиқмасдек туюлганди. Сабаби, "Манчестер Юнайтед" кўплаб футболчиларини йўқотганди. Уларнинг акрарияти ўтган ўйинларда жароҳат олишганди. "Арсенал" эса ўйинга йўқотишларсиз келди.
Ажабланарлиси, "Манчестер Юнайтед" биринчи бўлимда меҳмонларга яхши қаршилик кўрсата олди. Дарвоза томон кўпроқ зарбалар йўлланди. Бироқ, бу вақт ичида "Арсенал" гол уришга муваффақ бўлди. Бу сафар манчестерликларнинг ярим ҳимоясида айрим камчиликлар сезилди. Тезкор ҳужум Троссарднинг гол уриши билан якунланди. Бу ўйингача ҳам у ушбу чемпионатдаги голлари ва майдонда ўтказган дақиқалари бўйича ҳам жамоадаги энг яхши ўйинчилардан бири бўлиб турганди. "Арсенал" захира ўриндиғида ўтирган Мартинелли анъанага кўра иккинчи бўлимда майдонга тушган бўлсада, узоқ вақтдан бери баҳсларда иштирок этмаяпти.
"Манчестер Юнайтед"да Диалло ўзининг ажойиб ҳаракатлари билан учрашувда ажралиб турди. У мазкур чемпионат бошидан бери бошланғич таркибда дебют қилди ва бутун майдон бўйлаб эркин ҳаракат қилди. Жароҳатидан тикланишда давом этаётган Бруно Фернандеш ўйинни трибунадан томоша қилди. “Манчестер Юнайтед”нинг вингерлар билан боғлиқ муаммоларини инобатга оладиган бўлсак, Диалло эртароқ майдонга тушмагани бироз ажабланарли. "Манчестер Юнайтед" футболчиси томонидан дарвоза томон йўлланган биринчи зарба 68-дақиқада содир бўлди. Бу Каземиро томонидан ижро этилди. Бир дақиқадан сўнг "Юнайтед" мажбурий алмаштиришни амалга оширди. Диалло жароҳат олди, ўрнига Энтони майдонга тушди. Кейин Майну ҳам кичик тўқнашувдан сўнг, оқсоқланиб қолди. Бу ҳолда Англия кубоги финалига қадар Тен Хагда умуман ўйинчи қолмайдиганга ўхшайди. Учрашув охирига яқинлашган сари ўйин шиддатли тус олди. Битта гол эвазига устунликка эга бўлган "Арсенал" манчестерлик футболчиларни вазиятларни яратишга имкон беришди. Гарчи ўйин сўнгида меҳмонлар кўпроқ имкониятларга эга бўлган бўлсада. Бу орада Онана иккита ажойиб сейвни амалга оширди. "Манчестер Юнайтед" бошқа гол ўтказиб юбормади, аммо ўша оқшом рақиб дарвозасига гол ура олмади.
Бу ғалабадан сўнг "Арсенал" "Сити"дан бир очко фарқ билан биринчи ўринга чиқиб олди. Лондонликларнинг "Эвертон"га қарши битта ўйини қолди. Баҳс Лондонда бўлиб ўтади. Гвардиола шогирдлари яна икки марта, меҳмонда "Тоттенҳем"га қарши ва уйда "Вест Хем"га қарши ўйнашлари керак бўлади. Иккала учрашувда ҳам ғалаба қозонган тақдирда, "Сити" қаторасига тўртинчи марта чемпионликни кафолатлайди. Аксинча бўлса, «Арсенал»нинг ўйинини кутиши тўғри келади.