"Manchester Yunayted" va 'Arsenal" o'yinini tomosha qilish ko'pchilik muxlislar uchun qiziqmasdek tuyulgandi. Sababi, "Manchester Yunayted" ko'plab futbolchilarini yo'qotgandi. Ularning akrariyati o'tgan o'yinlarda jarohat olishgandi. "Arsenal" esa o'yinga yo'qotishlarsiz keldi.
Ajablanarlisi, "Manchester Yunayted" birinchi bo'limda mehmonlarga yaxshi qarshilik ko'rsata oldi. Darvoza tomon ko'proq zarbalar yo'llandi. Biroq, bu vaqt ichida “Arsenal” gol urishga muvaffaq bo'ldi. Bu safar manchesterliklarning yarim himoyasida ayrim kamchiliklar sezildi. Tezkor hujum Trossardning gol urishi bilan yakunlandi. Bu o'yingacha ham u ushbu chempionatdagi gollari va maydonda o'tkazgan daqiqalari bo'yicha ham jamoadagi eng yaxshi o'yinchilardan biri bo'lib turgandi. "Arsenal" zaxira o'rindig'ida o'tirgan Martinelli an'anaga ko'ra ikkinchi bo'limda maydonga tushgan bo'lsa-da, uzoq vaqtdan beri bahslarda ishtirok etmayapti.
"Manchester Yunayted"da Diallo o'zining ajoyib harakatlari bilan uchrashuvda ajralib turdi. U mazkur chempionat boshidan beri boshlang'ich tarkibda debyut qildi va butun maydon bo'ylab erkin harakat qildi. Jarohatidan tiklanishda davom etayotgan Bruno Fernandesh o'yinni tribunadan tomosha qildi. “Manchester Yunayted”ning vingerlar bilan bog‘liq muammolarini inobatga oladigan bo‘lsak, Diallo ertaroq maydonga tushmagani biroz ajablanarli. "Manchester Yunayted" futbolchisi tomonidan darvoza tomon yo'llangan birinchi zarba 68-daqiqada sodir bo'ldi. Bu Kazemiro tomonidan ijro etildi. Bir daqiqadan so'ng "Yunayted" majburiy almashtirishni amalga oshirdi. Diallo jarohat oldi, o'rniga Entoni maydonga tushdi. Keyin Maynu ham kichik to'qnashuvdan so'ng, oqsoqlanib qoldi. Bu holda Angliya kubogi finaliga qadar Ten Xagda umuman o'yinchi qolmaydiganga o'xshaydi. Uchrashuv oxiriga yaqinlashgan sari o'yin shiddatli tus oldi. Bitta gol evaziga ustunlikka ega bo'lgan "Arsenal" manchesterlik futbolchilarni vaziyatlarni yaratishga imkon berishdi. Garchi o'yin so'ngida mehmonlar ko'proq imkoniyatlarga ega bo'lgan bo'lsada. Bu orada Onana ikkita ajoyib seyvni amalga oshirdi. "Manchester Yunayted" boshqa gol o'tkazib yubormadi, ammo o'sha oqshom raqib darvozasiga gol ura olmadi.
Bu g‘alabadan so‘ng “Arsenal” “Siti”dan bir ochko farq bilan birinchi o‘ringa chiqib oldi. Londonliklarning "Everton"ga qarshi bitta o'yini qoldi. Bahs Londonda bo'lib o'tadi. Gvardiola shogirdlari yana ikki marta, mehmonda "Tottenhem"ga qarshi va uyda "Vest Xem"ga qarshi o'ynashlari kerak bo'ladi. Ikkala uchrashuvda ham g'alaba qozongan taqdirda, "Siti" qatorasiga to'rtinchi marta chempionlikni kafolatlaydi. Aksincha bo'lsa, "Arsenal"ning o'yinini kutishi to'g'ri keladi.