Толибон НАТО қўшинлари Афғонистондан олиб чиқиб кетилган кунни дам олиш куни деб эълон қилди, тегишли ҳужжат «РИА Новости» таҳририятига келиб тушган. Ҳужжатга кўра, август ойининг охирги кунида бутун мамлакат бўйлаб махсус тадбирлар ўтказилади.
Маълумот учун, аввалроқ Толибон 15 августни дам олиш куни – ҳокимият тепасига келган кун деб эълон қилган эди. Ўтган йилнинг август ойи бошида, АҚШ қўшинлари Афғонистондан олиб чиқиб кетилгандан сўнг, «Толибон» жангарилари ҳукумат кучлари позицияларига ҳужум уюштирдилар ва 15 август куни Кобулга кирдилар. 31 августга ўтар кечаси АҚШ Афғонистондан барча ҳарбийларини олиб чиқиб кетганини эълон қилди ва бу мамлакатдаги миссиясини расман якунлади.