Чилонзор туманида 58 туп манзарали ва мевали дарахтларни ноқонуний кесишда гумон қилинган уч нафар шахс қўлга олинди.

 

Шунингдек, бошқарма томонидан дарахтларни кесиш билан шуғулланган қурилиш ташкилоти раҳбари томонидан ўсимлик дунёсига етказилган 797,7 миллион сўм миқдоридаги зарар тўлиқ қоплангани қайд этилган.

 

Хусусан, Тошкент шаҳар Экология бошқармаси бошлиғи Ф.Д. 9 сентябрь куни ЖКнинг 205-моддаси 2-қисми “а” банди (Ҳокимият ёки мансаб ваколатини суиистеъмол қилиш, ўта йирик зарар етказиш)да назарда тутилган жиноятни содир этишда гумон қилинувчи шахс сифатида ушланган.

 

“Ф.Д. Тошкент шаҳар Экология ва атрофни муҳофаза қилиш бошқармаси бошлиғи лавозимида ишлаб келиб, асосий вазифаси экология ва атрофни муҳитни муҳофаза қилишга оид қонунчилик талаблари ижроси устидан назоратни амалга ошириш керак бўлган ҳолда ўз мансаб ваколатларини суиистеъмол қилиб, гўёки дарахтларни кўчиришга рухсат берганлиги важи билан уларни нобуд қилинишига шароит яратиб берган”, – дейилади Бош прокуратура хабарида.

 

Куни кеча Тошкентнинг Учтепа туманида ҳам худди шундай воқеа содир бўлди: қурувчи ташкилоти томонидан 50 га яқин дарахтни кесиб ташланди ва 425,1 миллион сўм моддий зарар етказилиб, қурилиш ташкилоти мансабдор шахсларига нисбатан жиноят иши қўзғатилди.