Бугун, 31 август куни эса Тошкент халқаро аэропортида пластик идиш орқали 10 дона буқаламуннинг ноқонуний олиб ўтиш ҳолати аниқланди. Бу ҳақда Давлат божхона қўмитаси ахборот хизмати хабар қилди.
Қайд этилишича, Мисрдан учиб келган фуқаро Я. Ж. Тошкент халқаро аэропортида яшил йўлакдан ўтаётганда безовталанган. Шу туфайли ўрнатилган тартибда божхона кўриги ўтказилган.
Натижада ушбу шахснинг юклари орасида умумий қиймати 54,7 миллион сўм бўлган буқаламунлар борлиги аниқланган.
Ҳозирда буқаламунлар Тошкент ҳайвонот боғига топширилган. Ташиш ва сақлаш қоидаларига риоя қилинмагани сабабли улардан 6 тасининг аҳволи оғир экани айтилмоқда.
Ҳолат юзасидан божхона органлари томонидан суриштирув ҳаракатлари давом эттирилмоқда.