Тошкентда тест синовлари ўтказилиши муносабати билан айрим жамоат транспорти йўналишларининг ҳаракати соат 05:00 дан бошланади. Бу ҳақда “Тошшаҳартрансхизмат” хабар берди.
Айтилишича, 1 август кунидан 13 август кунига қадар, 2023-2024 ўқув йили учун Тошкентги бир нечта манзилларда тест синовлари ўтказилиши муносабати билан, ушбу манзиллар орқали ҳаракатланувчи шаҳар жамоат транспорти йўналишларининг ҳаракати соат 05:00 дан ташкил этилади.
Тест синовлари ўтказиладиган манзиллар орқали ҳаракатланувчи шаҳар жамоат транспорти йўналишлари:
19, 50, 63, 115, 85, 88, 152, 24, 51, 67, 91, 93, 95, 140, 2, 38, 89, 136, 44, 68, 155, 17, 58, 60, 76, 53, 64, 65, 141, 196, 133м ва 28м
Маълумот ўрнида, бугун, 1 август куни республика бўйлаб олий таълим муассасаларига кириш имтиҳонлари бошланди. Тошкент шаҳрида кириш имтиҳонлари бир вақтнинг ўзида шаҳарнинг бир нечта объектларида – “Ўзекспомарказ”нинг кўргазма павилёнларида, Олий ўқув юртлараро спорт мажмуаси ва “Ёшлик” спорт марказида ўтказилмоқда.