Бугун, 15 сентябрь куни Тошкент шаҳрининг Учтепа туманида йўл-транспорт ҳодисасига учраган Гентра русумли автомашина ёниб кетди. Бу ҳақида шаҳар ФВБ хабар бермоқда.
Қайд этилишича, соат 00:23 да Учтепа тумани Шафтолизор кўчасида ҳаракатланиб кетаётган автомобилда йўл транспорт ҳодисаси содир бўлиб, натижада ёнғин содир бўлаётганлиги тўғрисида Тошкент шаҳар ФВБга хабар келиб тушган.
Шунга кўра, ёнғин-қутқарув техникалари айтилган манзилга соат 00:30 да етиб бориб, ёнғин соат 00:36 да ўчирилган. Ёнғин оқибатида тан жароҳати олганлар йўқ.