Bugun, 15 sentyabr kuni Toshkent shahrining Uchtepa tumanida yo‘l-transport hodisasiga uchragan Gentra rusumli avtomashina yonib ketdi. Bu haqida shahar FVB xabar bermoqda.
Qayd etilishicha, soat 00:23 da Uchtepa tumani Shaftolizor ko‘chasida harakatlanib ketayotgan avtomobilda yo‘l transport hodisasi sodir bo‘lib, natijada yong‘in sodir bo‘layotganligi to‘g‘risida Toshkent shahar FVBga xabar kelib tushgan.
Shunga ko‘ra, yong‘in-qutqaruv texnikalari aytilgan manzilga soat 00:30 da yetib borib, yong‘in soat 00:36 da o‘chirilgan. Yong‘in oqibatida tan jarohati olganlar yo‘q.