Кеча, 2 май куни соат 16:05 атрофида Яшнобод тумани Нукус-Фарғона йўли кўчалари чоррасида BYD автомашинасини бошқариб келаётган ҳайдовчи, тартибга солинган пиёдалар йўлагидан ўтаётган пиёдани уриб юборди. Бу ҳақда Тошкент шаҳар ИИББ Йўл ҳаракати хавфсизлиги бошқармаси Матбуот хизмати хабар берди.
Ушбу ЙТҲ натижасида пиёдага шифокорлар томонидан биринчи тез тиббий ёрдам кўрсатилган. Мазкур ҳолат юзасидан Тошкент шаҳар ИИББ ЙҲХБ томонидан терговга қадар суриштирув ишлари олиб борилмоқда.