Тошкентда фуқаролар ўзганинг уйини мерос қилиб ўзлаштириб олди
Ҳозирда уларга нисбатан жиноий иш очилган.
Тошкент шаҳрининг Янгиҳаёт туманида ўзганинг хонадонини мерос сифатида расмийлаштириб олган шахслар аниқланди. Бу ҳақида Иқтисодий жиноятларга қарши курашиш департаменти хабар берди.
Қайд этилишича, бир гуруҳ шахслар ўзаро тил бириктириб, фуқаро И.К.га тегишли хонадонни гўёки вафот этган отаси Т.К.га тегишли эканлиги ҳақида сохта ҳужжатлар тайёрлаган. Шундан ушбу хонадонни ўзларига мерос сифатида расмийлаштириб олган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
