ФВВ хабарига кўра, Тошкент шаҳрида каналда чўкаётган инсоннинг ҳаёти сақлаб қолинган. Таъкидланишича, бугун, 10 июль куни соат 14:51 да Тошкент шаҳар ФВБ тезкор бошқарув маркази Навбатчи-диспетчерлик хизматига Юнусобод туманидан оқиб ўтувчи «Бўзсув» каналида фуқаро чўкиб кетаётганлиги тўғрисида хабар келиб тушди.
Натижада зудлик билан воқеа жойига ФВВ қутқарувилари етиб борган. Маълум бўлишича фуқаро спиртли ичимлик исътемол қилиб, чўмилиш мақсадида сувга тушган ва ўз эҳтиётсизлиги натижасида хавфсизлигини таъминлай олмай чўкаётган бўлган.
«ФВВ қутқарувчилари фуқарони каналдан олиб чиқиб, ҳаётини сақлаб қолди. Шундан сўнг психологик ёрдам кўрсатилиб, тушунтириш ишлари олиб борилди», — дейилади хабарда.