Бугун 31 октябрь куни соат 02:13 да Тошкент шаҳар Олмазор тумани "Чинобод" МФЙ Сағбон 30-берк кўчасида жойлашган 5-уйдаги хонадонларнинг бирида ёнғин содир бўлаётганлиги тўғрисида Тошкент шаҳар ФВБга хабар келиб тушган.
Шундан сўнг ёнғин-қутқарув экипажлари зудлик билан воқеа жойига етиб бориб, ёнғин қисқа вақт ичида бартараф этилган. Натижада, хонадоннинг тахминан 10 кв.м майдонда ички қисми ёниб зарарлангани ва хонадонда яшовчи 1950 йилда туғилган фуқаро ҳалок бўлгани аниқланган.
Оила аъзоларининг сўзларига кўра, 1950 йилда туғилган фуқаро инсульт касаллигига учрагани ва шу сабабли ҳаракатлана олмаганлиги учун охирги йиллари оила аъзолари назоратида ётоқ ҳолатида бўлган.
Тахминларга кўра, ҳалок бўлган фуқаро ётоқ жойида тамаки маҳсулотини чекиши натижасида, ёнғин келиб чиққан. Ҳозирги вақтда ҳолат бўйича суриштирув ишлари олиб борилмоқда.
