Uzbekistan Airways 26 апрелдан бошлаб Тошкент ва Жакарта ўртасида тўғридан-тўғри авиаташувларни қайта тиклади. Соэкарно-Ҳатта халқаро аэропортида ҳаво кемаси анъанавий тарзда сув аркаси билан, етиб келган рейс экипажи аъзолари эса гуллар билан кутиб олинди.
Тошкент–Жакарта–Тошкент йўналишидаги парвозлар ҳар ҳафтанинг чоршанба кунлари қулай, кенг борт саҳнига эга Boeing 787 Dreamliner ҳаво кемасида амалга оширилади.
Uzbekistan Airways билан Жакарта орқали Индонезиянинг энг гўзал гўшалари саналадиган Бали, Ява, Сумарат ва Калимантан оролларига ташриф буюриш мумкин.