Ирландияда тажовузкор товуқ Баллинаслоу шаҳридаги кекса эркакнинг умрига зомин бўлди. Бу ҳақда The Sun хабар берди.
Жаспер Крауснинг яраланганини қўшниси кўриб қолган. У эркакнинг қизига телефон қилган, шунингдек, “Тез ёрдам” бригадасини чақирган. Отасининг ёнига келган қиз уй полида қон изларини кўради. У товуқхонага борган.
Краус бехуш ҳолда топилган. Шифокорлар унинг ҳаётини сақлаб қолишга уринган бўлса-да, бемор олинган жароҳатлар натижасида вафот этди.
Марҳумнинг қизи кейинчалик товуқларнинг бирида қон изларини кўради. У паррандани отасининг ўлимига сабабчи деб ҳисоблайди ва якунда ҳақ бўлиб чиқади. Товуқ Краусни панжаси билан тирнаган. Оқибатда эркак кўп миқдорда қон йўқотган.
Марҳумнинг саломатлиги заиф бўлган, у саратон ва буйрак касаллигидан азият чеккан. Унинг ўлимига аритмия сабаб бўлгани аниқланди.