АҚШ президенти Доналд Трамп NBC News телеканалига берган интервюсида душанба, 14 июл куни Россияга оид муҳим баёнот беришини ваъда қилди, бироқ бу баёнот нима ҳақида бўлишини очиқламади.
“Ўйлашимча, душанба куни Россия бўйича муҳим баёнотим бўлади", — деди президент.
Сўнгги кунларда Доналд Трамп Россия, Украина ва урушга бўлган муносабати ўзгарганини камида уч марта кўрсатди: у Путиннинг хатти-ҳаракатларидан жуда норози эканини айтди ҳамда уни “инсонларни фақат ўлдиришни давом эттирмоқчи бўлган шахс” деб атади.
“Путиндан фақат ҳар хил бемаъни гапларни эшитяпман”, деди Трамп ва АҚШ яна Украинани қурол-яроғ билан таъминлашини билдирди.