Бирлашган Миллатлар Ташкилоти Бош Ассамблеясида АҚШ президенти Дональд Трамп ўзининг асосий баёнотларини маълум қилди.
Унга кўра, БМТ катта салоҳиятга эга бўлса-да, ҳозирча мазкур имкониятлардан, айниқса, халқаро можароларни ҳал этишда етарлича фойдаланилмаяпти.
Трамп Хитой ва Ҳиндистонни Украина можаросининг асосий ҳомийлари қаторида тилга олди, чунки улар Россия билан иқтисодий алоқаларни давом этмоқда. Шунингдек, агар Россия урушни тўхтатмаса, АҚШ унга нисбатан жиддий божхона чекловлари киритишини таъкидлади.
Давлат раҳбарининг сўзларига кўра, у БМТ минбарига “хавфсизроқ дунё барпо этишга тайёр бўлганларга Америка қўлини узатиш” учун келган.
Трамп, шунингдек, Ғазо секторидаги уруиш дарҳол тўхтатилиши, гаровдагилар озод этилиши лозимлигини билдирди. У Украина можаросини тўхтатиш йўлида изчил ҳаракат қилаётганини, шу жумладан Россия президенти Владимир Путин билан муносабатлари яхши эканини ҳам қўшимча қилди.
Шунингдек, у жаҳон ҳамжамиятини биологик қурол ишлаб чиқишдан бутунлай воз кечишга чақирди. Европадаги миграция масалаларига тўхталар экан, “Мамлакатларингиз дўзахга қараб кетмоқда”, дея кескин фикр билдирди.