Украина бўйича келишув энди Зеленскийга боғлиқ. Бу ҳақида АҚШ президенти Дональд Трамп Fox News телеканалига берган интервьюсида маълум қилди.
У ўз интервьюсида Аляскада Путин билан ўтган саммитни 10 баллик шкалада 10 балл билан баҳолаб, музокаралар давомида катта ютуқларга эришилганини таъкидлади.
Трампга кўра, Украинадаги можарони тугатиш ҳам Путин, ҳам Зеленский учун муҳим ютуқ бўлади. Украинадаги урушга барҳам бериш бўйича келишувга эришиш эҳтимоли анча юқори.
“Россия улкан ядро салоҳиятига эга ва буни инобатга олиш лозим. Европа давлатлари ҳам Украина бўйича келишувга ўз ҳиссасини қўшиши шарт. Эндиликда Мен, Путин ва Зеленский иштирокида учрашув ўтказишга тайёргарлик кўрилмоқда”, деган Америка етакчиси.
Трампнинг қўшимча қилишича, Путин унинг иқтисодий ютуқларини юқори баҳолаган. АҚШ эса энди Россияга қарши санкциялар жорий этишни режалаштирмаяпти.
“Россия қудратли давлат, Украинани эса бундай эмас, шу сабабли Киевга “келишув тузишни” маслаҳат бердим. Зеленский Россия билан можарода кўп нарсани йўқотаётганини тан олиши керак”, деган у.