Россия ракета зарбалари оқибатида Украинанинг 50 фоиз энергетик инфратузилмаси йўқ қилинди. Бу ҳақда Владимир Зеленский Жозеф Байден билан телефон мулоқоти чоғида маълум қилди.
Шунингдек, Украина етакчиси АҚШ Президентига энергетикани тиклаш бўйича кўрсатилаётган ёрдам учун миннатдорчилик билдирган ва бу йўналишда ҳамкорликни чуқурлаштиришга умид қилган.
Бундан ташқари, Зеленский америкалик ҳамкасбидан ҳаво ҳужумига қарши мудофаани шакллантиришда ёрдам сўраган.
Бундан олдин Байден Украина президенти билан телефон орқали мулоқот қилганини айтганди.