Германия президенти Франк-Валтер Штайнмаер Украина томони унинг Киевга эҳтимолий ташрифини номақбул деб атаганини тасдиқлади.
"Латвия, Литва ва Эстония президентлари билан биргаликда биз Европанинг Украина билан бирдамлиги ҳақида кучли сигнал бериш учун Киевга бормоқчи эдик. Мен тайёр эдим. Лекин, очиқчасига, тан олишимиз керакки, Киев буни истамаган", - деди президент.
Аввалроқ Германиянинг «Bild» нашри Штайнмаер Киевга ташриф буюришни хоҳлагани, бироқ Украина президенти Владимир Зеленский учрашишдан бош тортгани ҳақида хабар берган эди.
Нашрнинг ёзишича, айни дамда немис сиёсатчисининг Россия билан ўтмишда яқин алоқалари бўлгани учун президент Зеленский у билан Киевда учрашишни истамаяпти.