Бу ҳақда мамлакат ёшлар ва спорт вазири Вадим Гутсайт маълум қилди.
Мутахассис ўз нутқида давлатнинг яқин 9 йиллик режалари ҳақида гапирар экан, бунда ёшлар ва катталар ўртасидаги қишки Олимпия ўйинларига мезбонлик масаласи ҳам борлигига тўхталиб ўтган. Бир вақтнинг ўзида Украина қиличбозлик федерацияси раҳбари ҳисобланмиш Вадим Гутсайт бу билан мамлакат имижини кўтариш, дунёдаги йирик инвесторларни жалб қилган ҳолда инфратузилмани ривожлантириш ва яхшилаш режалаштирилганини ҳам таъкидлаган.
Эслатиб ўтамиз, 2022 йилги қишки Олимпия ўйинлари Пекин, 2026 йил эса Милан шаҳрида бўлиб ўтади.
Аввалроқ, Олимпия ва Паралимпия ўйинлари ташкил этилиши ва Олимпия ўйинларига ўзгартириш киритилгани ҳақида хабар берилганди.
Жамшидбек Амиров