“Украинага узоқ муддатли хавфсизлик кафолатларини бериш муҳим ҳисобланади. Ҳарбий ҳаракатлар тўхтаганидан кейин урушнинг Украина ҳудудига қайтмаслигини кафолатлаш зарур. Бу чора-тадбирлар нафақат Киев учун, балки бутун Европа барқарорлиги учун асос бўлади. Европада тинчлик ва хавфсизликка эришиш европаликлар иштирокисиз ва уларнинг ўзаро музокараларисиз имконсиз”, — дея фикр билдирди Франция етакчиси.
Макрон, шунингдек, жорий йилнинг май ойига қадар Франциянинг миллий мудофаа стратегиясини қайта кўриб чиқишни буюрди. Бу стратегия Франциянинг глобал мудофаа ва қайта қуролланиш асосларини белгиловчи ҳужжат ҳисобланади.
Бундан ташқари Макрон Францияда ихтиёрий сафарбарлик эълон қилди. Унинг сўзларига кўра, бу Украинадаги ҳарбий амалиётлардан кейин юзага келган эҳтимолий таҳдидлар сабабли Франция армиясини кучайтириш учун зарур ҳисобланади.