Москва суди Россия федерал божхона хизмати генерали Александр Кизликни 10 йил қамоққа ҳукм қилди. Бу ҳақда «Интерфакс» хабар берди.
Маълумотларга кўра, генерал ва унинг ёрдамчилари 2018-19-йилларда валюта контрабандаси билан шуғулланган шахсларни жавобгарликдан қочишга ёрдам берган. Тергов бу РФ бюджетига 25 миллион рубль зарар етказганини аниқлаган.
Кизлик 2019 йилда қўлга олинган. Тинтув пайтида унинг уйидан 600 минг евро, 600 минг доллар ва бир килограммдан ортиқ олтин қуймаси, премиал бренддаги соатлар топилган.
Генерал айбини тўлиқ тан олган. У унвони ва давлат мукофотларидан маҳрум қилинган.