Moskva sudi Rossiya federal bojxona xizmati generali Aleksandr Kizlikni 10 yil qamoqqa hukm qildi. Bu haqda «Interfaks» xabar berdi.
Maʼlumotlarga ko‘ra, general va uning yordamchilari 2018-19-yillarda valyuta kontrabandasi bilan shug‘ullangan shaxslarni javobgarlikdan qochishga yordam bergan. Tergov bu RF byudjetiga 25 million rubl zarar yetkazganini aniqlagan.
Kizlik 2019 yilda qo‘lga olingan. Tintuv paytida uning uyidan 600 ming yevro, 600 ming dollar va bir kilogrammdan ortiq oltin quymasi, premial brenddagi soatlar topilgan.
General aybini to‘liq tan olgan. U unvoni va davlat mukofotlaridan mahrum qilingan.