Британия ҳарбий развекаси ҳар кунлик эълон қилиб борадиган кундалик ҳисоботинининг бу галги сони Россияда содир бўлаётган воқеаларга бағишлади. Бошқарманинг кундалик хулосасида айтилишича, «Вагнер» жангчилари Москвага етиб боради.
Британия ҳарбийларига кўра, «Вагнер» жангчилари ҳозрда Украинадан тўлиқ чиқиб кетган ва Россиядаги муҳим объэктларни, жумладан, Жанубий ҳарбий округ штаб-квартирасини ўз назоратига олишга муваффақ бўлишди.
Шунингдек, Британия Мудофаа вазирлигининг ҳисоботида айтилишича, «Вагнер» кучлари аллақачон Воронеж вилояти ҳудудида жойлашган бўлиб, у ердан ёлланма аскарлар Москвага кириб борадилар. Агентликнинг таъкидлашича, Россия ҳарбийлари ва бошқа ҳуқуқ-тартибот идоралари ёлланма аскарларга деярли қаршилик кўрсатмайди.
«Яқин соатларда Россия хавфсизлик кучларининг содиқлиги инқироз ривожланишининг калити бўлади. Бу сўнгги пайтларда Россия давлати учун энг жиддий чақириқ», — дея хулоса қилди Британия Мудофаа вазирлиги.