Аввалроқ Тошкент шаҳрининг Учтепа туманида 62-сонли мактабнинг информатика фани ўқитувчиси ўқувчининг яқинлари томонидан калтаклангани ҳақида хабар берилганди.
Ҳолатга Ўзбекистон Республикаси Президенти Администрацияси раҳбарининг ўринбосари Комил Алламжонов муносабат билдириб, ўзининг телеграм-каналида пост жойлади.
“Информатика фани ўқитувчисини калтаклашда иштирок этган кимки бўлса, уларнинг барчаси қонунда белгиланган тартибда қаттиқ жазоланади. Бу бўйича ҳуқуқ-тартибот органларига керакли кўрсатмалар берилди. Валломати бўлса ҳам ўқитувчини хафа қилишга ҳеч кимнинг ҳаққи йўқ”, — деб ёзилган постда.