Банкрот бўлган FTX криптовалюта биржаси хакерлар унинг ҳисобидан 415 миллион доллар ўғирлаганини маълум қилди. Бу ҳақда CNBC телеканали хабар берди.
Унинг маълумотларига кўра, 323 миллион доллар FTX.com халқаро компаниясидан, 90 миллион эса унинг Америка бўлимидан ўғирланган. Шунингдек, 2 миллион доллар Alameda Research фондидан ечиб олинган.
CNBC FTX’нинг ликвид активлари 5.5 миллиард доллар эканини айтмоқда. У биржа асосчиси Сэм Бэнкман-Фрид бойлигини ҳам ўз ичига олади.
Ноябрь бошида FTX банкротлик бўйича ариза топширганди.