Хитойда мактаб автобуси ҳайдовчиси бошқарувни йўқотиб, автоҳалокатга учради. Оқибатда 11 киши, жумладан, беш бола ҳалок бўлди.
Ҳодиса 3 сентябрь куни эрталаб Шандун провинцияси ғарбидаги Донгпин округида содир бўлган. Беш нафар мактаб ўқувчиси ва олти нафар катталар – уларнинг ота-оналари ҳалок бўлган. Яна 13 киши турли даражадаги тан жароҳатлари олди.
Автомашина ҳайдовчиси қўлга олинган. Ҳозирда ҳодиса сабаблари аниқланмоқда.