Xitoyda maktab avtobusi haydovchisi boshqaruvni yo‘qotib, avtohalokatga uchradi. Oqibatda 11 kishi, jumladan, besh bola halok bo‘ldi.
Hodisa 3 sentyabr kuni ertalab Shandun provinsiyasi g‘arbidagi Dongpin okrugida sodir bo‘lgan. Besh nafar maktab o‘quvchisi va olti nafar kattalar – ularning ota-onalari halok bo‘lgan. Yana 13 kishi turli darajadagi tan jarohatlari oldi.
Avtomashina haydovchisi qo‘lga olingan. Hozirda hodisa sabablari aniqlanmoqda.