АҚШ Конгрессининг тўрт аъзоси Тайванга келди. Улар оролда уч кун бўлиб туради.
Делегация таркибида республикачилар партиясидан Брэд Уэнстрап ва Майкл Вальц, демократлар партиясидан Сет Мултон ва Кай Кахил бор. Улар Тайвань маъмурияти раҳбари Цай Инвэнь, ташқи ишлар вазири Жозеф У ва миллий хавфсизлик кенгаши бош котиби Гу Лисюнь билан учрашади.
Конгрессменлар тайванлик амалдорлар билан икки томонлама алоқалар, савдо, шунингдек, хавфсизлик масалаларини муҳокама қилади.
Шу йилнинг 2 август куни АҚШ Конгресси вакиллар палатаси раиси Ненси Пэлоси Тайванга келганди. Бу Хитойнинг кескин норозилигига сабаб бўлган.
Пекин бир неча бор Вашингтонни Тайвань масаласида огоҳлантирган.