Уруш бошланишига сабаб бўлувчи ташриф амалга оширилди
Ненси Пелоси Тайванда.
АҚШ Конгресси Вакиллар палатаси спикери Ненси Пелоси Хитойнинг барча огоҳлантиришларига қарамай Тайванга учиб келди. Оролда у депутатлар ва қисман тан олинган республика президенти билан учрашади. Музокараларнинг асосий мавзуларидан бири Хитойда инсон ҳуқуқларининг бузилишидир. Кейин сиёсатчи Жанубий Корея ва Японияга йўл олади.
Демократ Пелоси Тайванга ташриф буюрган Вакиллар палатасининг тарихдаги иккинчи спикери бўлди. Унинг ташрифи туфайли Хитой Лиаонинг ва Шандонг самолёт ташувчи кемаларини денгизга туширди, америкаликлар эса минтақага ўнлаб қирувчи самолётлар юборди. Бунгача Хитой раҳбари Си Сзинпин АҚШ президенти Жо Байденга “ўт билан ўйнашмаслик”ни айтган эди.
2-август оқшомида намойишчилар Тайпейдаги АҚШ ассоциацияси биноси олдида тўпланишди. Намойишчилар орол ҳукуматини Вашингтон манфаатларига хизмат қилишда айбламоқда.
