Хоразм вилоятининг Қўшкўпир туманида 17 ёшли қиз ўз жонига қасд қилди. Бу ҳақда вилоят прокуратураси хабар бермоқда.
Бугун, 6 май куни соат 12:50 ларда Қўшкўпир туман ИИБ навбатчилик қисмига фуқаро Ч.Қ.нинг ўз жонига қасд қилиб, вафот этганлиги ҳақида хабар келиб тушган. Ҳодиса жойи туман прокурори Б.А.Матрасулов раҳбарлигидаги тергов-тезкор гуруҳи ва суд тиббий экспертлари иштирокида кўздан кечирилган.
Маълум қилинишича, 2005 йилда туғилган фуқаро Ч.Қ. Қўшкўпир тумани “Хадра” қишлоғи “Незахос” маҳалласида яшаган. Ҳозирда унинг ўлим сабабини аниқлаш юзасидан суд-тиббий экспертизаси тайинланган.
Шунингдек, ҳолат юзасидан Қўшкўпир тумани прокуратураси томонидан терговга қадар текширув ҳаракатлари олиб борилмоқда. Текширув ҳаракатлари Хоразм вилоят прокуратураси томонидан назоратга олинган.