Яккасарой туманида янги қурилаётган турар жой чуқурида ишчини тупроқ босиб қолди. ФВВ қутқарувчилари эса унинг ҳаётини сақлаб қолди.
Соат 17:05 да Фавқулодда вазиятлар бошқармасига Тошкент шаҳар Яккасарой тумани "Дилбулоқ" МФЙ ҳудудида бир нафар фуқарони янги қурилаётган турар жой мажмуаси чуқурида пайвандлаш ишларини олиб бораётган вақтида тупроқ босиб қолгани тўғрисида мурожаат келиб тушган.
Айтилган манзилга қутқарувчилар етиб бориб, махсус асбоб-анжомлар ёрдамида қутқарув ишларини амалга оширган. Олиб борилган ҳаракатлар натижасида фуқаро тупроқ остидан олиб чиқилиб, биринчи ёрдам кўрсатилган ва шифохонага юборилган.
Қайд этилишича, айни вақтда фуқаронинг аҳволи яхши, у шифокорлар назоратида