Тошкент вилоятининг Янгийўл туманида иккита автомашина иштирокида йўл-транспорт ҳодисаси содир бўлди. Бу ҳақида вилоят ИИББ ЙҲХБ маълумот берди.
Қайд этилишича, бугун, 13 июль куни 14:30 ларда Янгийўл — Тошкент йўналишида Damas ҳайдовчиси ўзи билан бир йўналишда бўлган Gentra автомобилининг орқа қисмига бориб урилиб, ағдарилиб кетган.
Ушбу йўл-транспорт ҳодисаси натижасида Damas автомобилининг бир нафар йўловчисига биринчи тиббий ёрдам кўрсатилган. Оғир тан жароҳати олганлар йўқ.