7 сентябрдан Японияга туристик гуруҳлар таркибида барча давлат фуқаролари кириши мумкин. Бу ҳақда мамлакат ташқи ишлар вазирлиги маълум қилди.
Бундан олдин июнь ойида расмий Токио 98 давлат фуқароларига чекловларни юмшатганди. Эндиликда карантин чекловлари янада юмшатилиши режалаштирилган.
Ҳукумат 7 сентябрдан бошлаб Японияга кунига 50 минг хорижлик киришига рухсат берганди. Бундан ташқари, якка саёҳат қилаётганларнинг ҳам келиши масаласи кўриб чиқилади.
Мамлакат миграция хизмати маълумотларига кўра, коронавирус чекловлари юмшатилгач, июнь ва июль ойларида туристик гуруҳлар таркибида 8.1 минг хориж фуқаролари Японияга келган.
2019 йилда Японияга 31.88 миллион турист ташриф буюрган. Ҳукумат 2020 йилда бу кўрсаткични 40 миллионга етказишни мақсад қилганди. Аммо пандемия туфайли режалар ортга сурилди.
Аввалроқ Япония бош вазири коронавирусга чалингани тўғрисида хабар берилганди.