Европа Иттифоқи элчилари миграция инқирози муносабати билан Беларусга қарши навбатдаги, бешинчи санкциялар пакетини тасдиқлади. Бу ҳақда Корреспондент.нет маълум қилди.
"Европа Иттифоқи элчилари ҳозиргина Европа Иттифоқининг Беларусга қарши санкцияларининг бешинчи пакетига яшил чироқ ёқишди", — дейилади хабарда.
Маълумотларга кўра, рўйхатга 17 киши ва 11 ташкилот киритилган. Янги санкциялар пакети 2 декабрь пайшанба куни Европа Иттифоқининг расмий журналида чоп этилади ва шу куннинг ўзида кучга киради.Шунингдек, олтинчи пакет устида иш бошланди, аммо унинг кучга кириш санаси ҳақида гапиришга ҳали эрта. Катта эҳтимол билан у январь-февраль ойларида тайёр бўлади.
Эслатиб ўтамиз, Европа Иттифоқи 26 ноябрь куни Беларусга қарши бешинчи санкциялар пакетини келишиб олган эди.
Аввалроқ Европа Иттифоқи Беларусдан ўз ватанига қайтишни хоҳловчи муҳожирларга ёрдам бериш учун 3,5 миллион еврога яқин маблағ ажратишга келишиб олган эди.
Насиба Тўхтаева