Австрия ва Венгрия чегарасида жойлашган Нойзидлер-Зе кўли қуриб бормоқда. Бу ҳақда euronews хабар берди.
ЮНЕСКОнинг Бутунжаҳон мероси рўйхатига киритилган кўлда сув сатҳи жуда паст бўлгани сабабли елканли қайиқларда сузиш ва виндсерфинг билан шуғулланиш қийинлашмоқда.
«Июль ойининг ўрталаридан бери кўл сатҳи жуда тушиб кетди, шунинг учун ҳозир кўлда сузиш мумкин эмас. Тез орада у батамом қуриб кетади, ҳозир кўлнинг ўрнида юмшоқ лойгина қолмоқда», — дейди экологлар.
Маҳаллий ҳокимият кўлни сақлаб қолиш мақсадида Дунай дарёсининг бир қисмини йўналтиришни таклиф қилмоқда. Бироқ экологлар бунга кескин қарши.